मिति २०८२/१०/२७ गतेका दिन सामी कार्यक्रमको चौथो चरण अन्तर्गत कार्यान्वयन गरिने कार्यक्रमहरूको कार्यान्वयन मोडालिटी सम्बन्धमा दार्मा गाउँपालिकामा पालिका स्तरीय अभिमुखीकरण कार्यक्रम सम्पन्न गरियो।
उक्त अभिमुखीकरण कार्यक्रममा सामी हेल्भेटासको कार्यक्रम अधिकृत श्री अनन्त चौधरी ज्युले सामी कार्यक्रमको उद्देश्य, लक्ष्य, कार्यक्षेत्र, चौथो चरणमा अवलम्बन गरिने कार्यान्वयन प्रक्रिया, जिम्मेवारी बाँडफाँड, समन्वय व्यवस्था, अनुगमन तथा प्रतिवेदन प्रणालीका विषयमा विस्तृत छलफल तथा प्रस्तुति गरिएको थियो।

आज मिति २०८२/१०/२६ गते दार्मा गाउँपालिकामा गाउँपालिका खोप समन्वय समिति तथा स्वास्थ्यकर्मीहरूका लागि एच.पि.भि. (HPV) खोप सम्बन्धी अभिमुखीकरण कार्यक्रम सफलतापूर्वक सम्पन्न भएको छ।
कार्यक्रममा एच.पि.भि. खोपको महत्व, लक्षित समूह, खोप सञ्चालन प्रक्रिया तथा समुदायस्तरमा प्रभावकारी रूपमा सेवा प्रवाह गर्ने विषयमा विस्तृत छलफल गरिएको थियो।
उक्त अभिमुखीकरण कार्यक्रमले पाठेघरको मुखको क्यान्सर जस्ता गम्भीर रोगको रोकथाममा एच.पि.भि. खोपको भूमिकाबारे स्वास्थ्यकर्मी तथा सरोकारवालाहरूको ज्ञान र क्षमता अभिवृद्धि गर्न महत्वपूर्ण योगदान पुर्‍याउने विश्वास लिइएको छ।

विपद्का समयमा सिकाइ निरन्तरताका लागि सिकाइ आपुरण तथा द्रुत सिकाइ योजना (ReAL-Plan) कार्यान्वयन सम्बन्धि पालिका स्तरीय अभिमुखिकरण कार्यक्रम दार्मा गाउँपालिका अध्यक्षको अध्यक्षतामा, उपाध्यक्ष जुना मल्ल चन्द, प्रमुख प्रशासकीय अधिकृत रेशम ओली, वडाध्यक्षहरु, सामाजिक विकास समिती संयोजक र सबै विद्यालयका प्रधानाध्यापकहरुको उपस्थितिमा सम्पन्न गरिएको छ।